കാരക്കമരങ്ങള്‍ വരിവരിവരിയായ്-6

കായ്ച്ചു തുടങ്ങിയ ഈത്തപ്പനകള്‍ -

കൂട്ടത്തില്‍ ചിന്നവളും തന്നാലായതുപോലെ

വഴിയോര കാഴ്ചകള്‍

അമ്പതു വര്‍‌ഷം വരെ കായ തരുമെങ്കിലും ഫാമുകളിലെ ഈത്തപ്പനകള്‍ മുപ്പത് വര്‍‌ഷമാകുമ്പോള്‍ പിഴുതുമാറ്റും - കാരണം വളരെ ഉയരത്തില്‍ പോയാല്‍ ചിലവു കൂടും - തെങ്ങും ഇങ്ങിനെയായിരുന്നുവെങ്കില്‍ നാം രക്ഷപ്പെട്ടേനെ-

ക്ലോസപ്പ് ലുക്

നിയമപരമായ മുന്നറിയിപ്പ്: ചില സാങ്കേതിക കാരണങ്ങളാല്‍ ഈ വിഷയത്തെ കുറിച്ച് ഒരു ആറുമാസത്തേക്കു പോസ്റ്റുകള്‍ ഉണ്ടായിരിക്കുന്നതല്ല- മാന്യവായനക്കാര്‍ ക്ഷമിക്കുമല്ലോ-(മാന്യന്മാരാണെങ്കില്‍ ക്ഷമിച്ചിരിക്കും- അല്ലാത്തവരോട് ലോഗ്യം കൂടാന്‍ നമ്മള്‍ മാന്യനല്ലാതാവണ്ടെ?)

കാരക്കമരങ്ങള്‍ വരിവരിവരിയായ്-5

ഞങ്ങളാണു ഇതിന്റെ കാരണക്കാരെന്നു പറഞ്ഞാല്‍ നിങ്ങള്‍ എട്ടുകാലി മമ്മൂഞ്ഞെന്നു പറയരുത്- ഇതങ്ങിനെയല്ല- സത്യമായും

തലയെടുപ്പോടെ ആമ്പിറന്നവര്‍

ഛേദിച്ച പൗരുഷം

പ്രാണി ശല്യം ഇവിടെയുമുണ്ട്- പക്ഷേ തുടക്കത്തിലേ മരുന്നടിക്കും-

കീടനാശിനിയുമായി നീങ്ങുന്ന വണ്ടി- ഇതിന്റെ പിന്നാലെ പോട്ടം പിടിക്കാന്‍ പോയാല്‍ ജീവനകലയുടെ അചാര്യന്റെ അടുത്തേക്കു പോകേണ്ടി വരും - ശ്വസനക്രിയ ശരിയാക്കിയെടുക്കാന്‍ - അപ്പണി വേണ്ട-

കാരക്കമരങ്ങള്‍ വരിവരിവരിയായ്-4

ഈത്തപ്പനയുടെ ആണും പെണ്ണും വെവ്വേറെ മരങ്ങളാണു-അതിനാല്‍ കൃത്രിമ പരാഗണമാണു വിളവിന്നു നല്ലത്-

ആണ്‍ പൂവിനെ വെട്ടിയെടുത്ത് പെണ്‍പൂവില്‍ ചേര്‍ക്കും-എന്നിട്ടു കെട്ടിവക്കും- പെണ്ണു കെട്ടിക്കുക എന്നു പറയുന്നത് ഇങ്ങിനെ വന്നതാകാം-

ഇങ്ങിനെ കെട്ടിയ മരങ്ങളെ കണ്ടപ്പോള്‍ ചെറുപ്പത്തില്‍ സുന്നാപ്പി മുറിച്ചു ഒസ്സാന്‍ കെട്ടിതന്നത് ഓര്ത്തുപോയി-

ഓത്തുപള്ളീലന്നു നമ്മള്‌ പോയിരുന്ന കാലം --- ഒരു ബാക്ക് ഫ്ലാഷ്

പൊടികാറ്റും മറ്റു പ്രാണികളുടെ ശല്യവുമില്ലാതിരിക്കാനെന്നാണു കിട്ടിയ വിവരം -

കായ ആയി കുറച്ചു കഴിഞ്ഞാല്‍ ഇവ അഴിച്ചു മാറ്റും 

കാരക്കമരങ്ങള്‍ വരിവരിവരിയായ്-3

കൊണ്ടു പോയ കുഞ്ഞുങ്ങള്‍ക്കെന്തു സംഭവിച്ചു-വളര്‍ത്തിയോ അതോ വിറ്റോ? ഉദ്യോഗഭരിതമായ(ശരിയല്ലേ പ്രയോഗം) ബാക്കി ഭാഗങ്ങളിലേക്കു-

_______________________________________________________________________________

ഇങ്ങനെ കെട്ടിയിരിക്കുന്നത് വെയില്‍ കൊള്ളാതിരിക്കാനാണു-ഓ- എത്ര സ്നേഹത്തോടെയാണു വളര്‍ത്തുന്നത്-

എല്ലാവര്‍ക്കും വെള്ളത്തിനു വെവ്വേറെ പൈപ്പും-എന്നിട്ടും പീഡനം പീഡനം എന്നു- കശ്മലന്മാര്‍

മാറ്റിവക്കുന്ന പനകള്‍ മൂന്നു വര്‍ഷം കൊണ്ട് കായ്ച്ചു തുടങ്ങും-അന്‍ചു ആറു വര്‍ഷത്തില്‍ പൂര്‍ണ്ണമായും ഫലം നല്കും

സ്വാതന്ത്ര്യത്തോടെ മുന്നോട്ട്-

കാരക്കമരങ്ങള്‍ വരിവരിവരിയായ്-2

കഴിഞ്ഞലക്കം തുടര്‍ച്ച

കഥ ഇതു വരെ- അല്ലെങ്കില്‍ വൈകി വായിച്ചു തുടങ്ങിയവര്‍ക്കു

______________________________________________________________

ഇനി തുടര്‍ന്നു വായിക്കുക

___________________________________________________

അമ്മയില്‍ നിന്നും കുഞ്ഞിനെ മാറ്റനുള്ള രജാവിന്റെ ഉത്തരവു കേട്ടപാടെ ശമ്പളത്തിനു ജോലി ചെയ്യുന്ന കിങ്കരന്മാര്‍ അവരെ വളഞ്ഞു

അരുതെ - അരുതെ എന്ന വിലാപം അവരുടെ കൂട്ടച്ചിരിയില്‍ ആരു കേള്‍ക്കാന്‍(വയസ്സന്‍ ഇറാനി ചിരിക്കുന്നത് കണ്ടില്ലെ- പാവം ക്യാമറ കണ്ടപ്പോള്‍ ചിരിച്ചതാ)

പിന്നീട് നടന്നത് ഒരു ദാരുണമായ പീഡനമായിരുന്നു(കിളുരൂരിലെ അല്ല)

ഒന്നിനു പിറകെ ഒന്നായി അവര്‍ അതു തുടര്‍ന്നു കൊണ്ടേയിരുന്നു

പാവം കുഞുങ്ങളെ നാടുകടത്താന്‍ അവര്‍ അതിനെ ബന്ധിച്ചു കിടത്തി

_____________________________________________________

ശേഷം അടുത്തലക്കത്തില്‍(ഫോട്ടോ തീരേണ്ടേ)- നിങ്ങളുടെ കോപ്പികള്‍ ഉറപ്പു വരുത്തുക

കാരക്കമരങ്ങള്‍ വരിവരിവരിയായ്-1

ഈത്തപ്പനയുടെയും തെങ്ങിന്റെയും സാദൃശ്യങ്ങള്‍ എന്നെ ചില സംശയങ്ങള്‍ ഉണ്ടാക്കിയിരുന്നു-

അതേ സംശയങ്ങള്‍ ഉള്ളവര്‍ക്കും അങ്ങിനെ സംശയങ്ങളൊന്നും തോന്നാതെ ഈത്തപ്പഴം തിന്നുന്നവര്‍ക്കുമായി ഈ പോസ്റ്റ് സമര്‍പ്പിക്കുന്നു

*-*-*

എല്ലാവരുടെയും സ്നേഹാദരങ്ങള്‍ ഏറ്റു വാങ്ങിക്കൊണ്ടിതാ തുടക്കം കുറിക്കുന്നു-

കാരക്കമരങ്ങള്‍ വരിവരിവരിയായ്-1

ഈത്തപ്പനയുടെ വ്യാപനമായിരുന്നു ഒരു സംശയം- നടീല്‍ വസ്തു എന്തെന്നത്- വിത്തില്‍ നിന്നാണൊ എന്നെല്ലാം -- നിങ്ങളുടെയും എന്റെയും സംശയത്തിനുള്ള ജീവിക്കുന്ന പരിഹാരമിതാ

ഈത്തപ്പനയുടെ പാര്‍ശ്വങ്ങളിലൂടെ പുതുതായി വരുന്ന മരങ്ങളെ മുറിച്ചെടുത്താണു പുതിയവ വച്ചുപിടിപ്പിക്കുന്നത്-ഇങ്ങിനെ വളരുന്നവയെ

ഇങ്ങിനെ വളരുന്നവയെ പിഴുതെടുക്കുന്നു

ചിലതിന്നൊന്നും ചിലതിന്നതില്‍ കൂടുതലും ഉണ്ടാകും

ബാക്കി ഭാഗം അടുത്ത ആഴ്ച്ച ഇതേ സമയം ഇതേ ദിവസം-(എനിക്കു തോന്നുമ്പോള്‍)